O Debate

Hai uns días celebrouse nunha televisión local un debate no que intercambiei opinións co número dous do Partido Socialista e cabeza de lista por Lugo José Blanco. Dende entón tiven a oportunidade de coñecer de primeira man a impresión que lle causou ós lucenses que seguiron o programa en directo e incluso as que fixeron os medios de comunicación. Non quixera que esas opinións condicionaran agora a miña visión, aínda que xa de entrada recoñezo que non vai ser doado facelo.

En primeiro lugar, quixera puntualizar, como así o fixen na miña primeira intervención no mencionado debate, que o formato elexido por TeleLugo non respondía o reto que a principios do pasado mes de outubro lle plantexei a José Blanco. Eu, en aras de acadar a maior participación e transparencia posible, quería que fose aberto ó público e a todos os medios de comunicación que así o desexaran.

O tema que propuxen tamén se restrinxía a un único asunto: o grao de cumplimento das promesas electorais feitas polo Partido Socialista hai catro anos para Lugo. Pode que moitos pensen que estas cuestións son de matiz, pero creo que é convinte explicar os feitos tal como son.

É certo que os datos, como acontece coas botellas medio cheas ou medio vacías, sempre, en función do seu uso, poden dar percepcións diferentes e incluso contradictorias da realidade. Pero os feitos non.

E os feitos son que en Lugo non hai unha nova ponte (ainda que José Blanco prometa unha segunda sen ter posto sequera unha pedra da primeira); que o Cetal non xerou 15.000 postos de traballo (ainda que o Sr. Blanco siga a insistir en que SERÁ (e poñoo en maiúsculas para recalcar o tempo futuro que eu leo como condicional) un importante revulsivo para a creación de emprego, nin temos autovías, nin temos AVE…, nin temos case nada do prometido por non dicir directamente NADA.

Si temos, pola contra, algunhas cousas que o PSOE non nos prometeu na campaña electoral de hai catro anos: os prezos dos productos básicos (lease luz, gasoleo, cesta da compra: leite, pan, ovos, polo, cebolas…) polas nubles; hipotecas difíciles de asumir; mercado laboral precario; pensións mínimas…

Pero para José Blanco, en función do discurso que defendeu no debate, todo vai ben.

E a cuestión de fondo é esa: establecer se as cousas están ben ou non. Eu sego pensando, despois de analizar con atención o dito por o Sr. Blanco, que non. O que promete e non cumple, defrauda. O que empeña a súa palabra ata deixala baleira de contido, deixa, en definitiva, de ter credibilidade.

Penso que o PSOE non cumpriu con Lugo e que José Blanco, pese a ser o número dous dos socialistas, non foi quen de facer valer nin as súas promesas nin a súa palabra.